إسمك مسجّل يا إبن الأجواد ضاري
وأرجي عظيم الشان با الخير يرعاك
تلقى مـع الأيـام ذكـرى ديـاري
والله يعينـك يـا وليـدي بدنيـاك
دنيـاك تلقابـه صقـور وحبـاري
وتلقا مهابيل العرب وأهـل الأدراك
أوصيك دينـك لا تبيعـه لشـاري
تلقى رديّ الخلق با الشين يشنـاك
وخلّك مع الطيـب رفيـقِ مبـاري
وعن رفقة الأنذال جنّب من هنـاك
إحذر يغشّك تالـي الليـل سـاري
ترا الوفا في ها الزمن طعم الأسماك
أهل المصالح تتبعك بـا المحـاري
لو تسكـن المرّيـخ تلقـاه تتنـاك
لو طحت ما أحدِ في بلاويـك داري
ولو متّ ما أحدِ شال ثوبه وغطّـاك
والله مـا ينفعـك زيـد ومشـاري
( لاصار ما تقضي لزومك بيمناك )
وخلّ الديار ليـا حدتـك العبـاري
وايرد لحالك لو تجي وسط الأتـراك
إرفع يدك للكـود وألـزم مسـاري
قطف الثمر يملا شليلك با الأشـواك
وأوصيك بامك كان طال انتظـاري
حقّق رضاه وربّك يحقّـق رضـاك
أوصيك بام إيـلاف ليـل ونهـاري
ترها ربيع الأرض ونجوم الأفـلاك